საქართველოს მასტერ ლიგის ნაკრები უკრაინაში გასამართ საერთაშორისო ტურნირზე გაემგზავრა

"მიუხედავად იმისა, რომ საქართველოს მასტერ ლიგის ნაკრებს მოსამზადებლად დიდი დრო არ ჰქონია (1 თვეზე ნაკლები) ამ მოკლე დროში შევძელით და შევარჩიეთ ის ოპტიმალური შემადგენლობა, რომელიც ამ ეტაპზე საუკეთესო სპორტულ ფორმაში იმყოფება. გუნდში კარგი განწყობაა და თითოეული ფეხბურთელი სრული მობილიზებითა და პასუხისმგებლობით ემზადება პირველი თამაშისთვის. ჩვენთვის ეს ტურნირი ძალიან მნიშვნელოვანია, აქამდე არ გვქონია შესაძლებლობა მსგავს ჩემპიონატში მიგვეღო მონაწილეობა, რადგან ასოციაცია სულ 2 წელია რაც დაფუძნდა. აღსანიშნავია ისიც, რომ სამივე მოწინააღმდეგეს აქვს საერთაშორისო ტურნირებზე (მსოფლიო თასი, ევროპის თასი და.ა.შ) მონაწილეობის გამოცდილება, შესაბამისად აღნიშნული ტურნირი დაგვანახებს რამდენად სწორად ვუყურებთ საკითხს და როგორ უნდა განვვითარდეთ სამომავლოდ", - აღნიშნა აკაკი ხლაბუსტოვმა.