დღეს, 5 დეკემბერს, ამხანაგური მატჩი შედგა საქართველოსა და იტალიის ნაკრებებს შორის. მატჩი თბილისის დროით 14:00 საათზე, დავით პეტრიაშვილის სახელობის სტადიონზე დაიწყო.
სასიხარულოა ის ფაქტი, რომ ქართველმა U19 ფეხბურთელებმა, იტალიელი თანატოლები 2:1 დაამარცხეს. ანგარიში მე–16 წუთზე იტალიელმა ფეხბურთელმა მორამ გახსნა (0:1). მატჩის 24–ე წუთზე ანგარიში "საბურთალოს" თავდამსხმელმა, გიორგი გულიაშვილმა გაათანაბრა (1:1). მატჩის მიწურულს, საქართველოს ნაკრები 2:1 დაწინაურდა, გამარჯვების გოლი "მარტვილის მერანის" ნახევარმცველმა ცოტნე ფაცაციამ გაიტანა და ტაბლოზე საბოლოო ანგარიში დააფიქსირა.
.32.webp)
