ესპანეთის ჩემპიონატის მორიგ შეხვედრაში, ლიონელ მესიმ "სელტას" ჰეთ-თრიკი შეუსრულა, აქედან 2 გოლი კი საჯარიმო დარტყმის მეშვეობით შეაგდო.
არგენტინელი სუპერვარსკვლავისთვის ეს კარიერაში გატანილი 52-ე ჯარიმა იყო, რა მაჩვენებლითაც ყველა დროის ათეულს ასრულებს.
ბოლო წლებში "ბარსელონას" კაპიტანს ევროპაში ჯარიმების შესრულების საუკეთესო მაჩვენებელი აქვს, რაზეც ქვემოთ მოყვანილი სტატისტიკა მეტყველებს:
2018 წლის პირველი იანვრიდან, მესის ევროპის ტოპ ხუთ ჩემპიონატში ყველაზე მეტი ჯარიმა აქვს როგორც დარტყმული, ისე გატანილი - 78/16/. რაც შეეხება მის პრინციპულ მეტოქე კრიშტიანუ რონალდუს, პორტუგალიელმა სტანდარტული სიტუაციიდან გატანა 28-ჯერ სცადა, თუმცა სამიზნეს ვერცერთმა უწია.