სერხი რობერტო: "ვიმედოვნებ, რომ ხავი პირველი ტიტულის მოგებას შეძლებს"
სერხი რობერტო დარწმუნებულია, რომ მისი გუნდი სუპერ თასის მოგებას შეძლებს. გარდა ამისა, მცველმა ისიც აღნიშნა, რომ "ბარსელონასთან" კონტრაქტის გაგრძელება სურს.
"ეს გუნდისთვის კიდევ ერთი ტიტული იქნება. უტიტულოდ რამდენიმე წელი გავიარეთ და ეს ჩვენთვის ძალიან უჩვეულოა. ეს ყველაფერი გვაიძულებს ტიტულებს მეტი მნიშვნელობა მივანიჭოთ. სუპერ თასის მოგება ჩვენთვის ძალიან მნიშვნელოვანია. დარწმუნებული ვარ, ამ ტიტულის მოგება ხავისთვისაც მნიშვნელოვანი იქნება. ეს მას დამატებით სტიმულს მისცემს, რომ სეზონი უფრო შემართებით განაგრძოს. ძალიან რთული მატჩი იქნება, თუმცა, ვიმედოვნებ, რომ ხავი პირველი ტიტულის მოგებას შეძლებს. ჩვენ გვყავს ახალგაზრდა ფეხბურთელები, რომლებსაც ტიტულები არ მოუგიათ ან ცოტა აქვთ, მნიშვნელოვანია ამ სუპერ თასის მოგება." - განაცხადა სერხი რობერტომ Marca-სთან საუბრისას.
"Tenemos jugadores jóvenes que no han ganado títulos o han ganado pocos, es importante ganar esta Supercopa"
— MARCA (@marca) January 11, 2023
🚨 Sigue EN DIRECTO la rueda de prensa de Sergi Roberto https://t.co/FWHADOH8mF #superSupercopa pic.twitter.com/DY6Y8PWie6
შეგახსენებთ, რომ დღეს შემდეგი ნახევარფინალური შეხედრა გაიმართება, სადაც ერთმანეთს “ბეტისი” და “ბარსელონა” დაუპირისპირდებიან. აღნიშნული მატჩი 23:00 საათზე დაიწყება.