სერხიო აგუერომ უეინ რუნის რეკორდი გააუმჯობესა

პრემიერლიგის 38-ე ტურში ,,მანჩესტერ სიტიმ'' ,,ევერტონს'' უმასპინძლა და 5:0 დაამარცხა. შეხვედრაში დუბლი გაიფორმა ,,ქალაქელთა'' თავდამსხმელმა, სერხიო აგუერომ, რომელმაც თავი მატჩის 71-ე და 76-ე წუთებზე გამოიჩინა. არგენტინელს პრემიერლიგაში ,,სიტის'' მაისურით ჩატარებულ 275 შეხვედრაში 184 გოლი დაუგროვდა, რაც ერთ გუნდში გატანილი გოლების რაოდენობით ყველა დროის საუკეთესო შედეგია. სერხიომ უეინ რუნის რეკორდი გააუმჯობესა, რომელმაც ,,მანჩესტერ იუნაიტედში'' მეტოქის კარი 183-ჯერ აიღო. უკვე ცნობილია, რომ აგუერო მიმდინარე სეზონის დასრულების შემდეგ, ,,მანჩესტერ სიტის'' დატოვებს. 32 წლის თავდამსხმელი ,,ქალაქელთა” ღირსებას 2011 წლიდან იცავს და გუნდის საუკეთესო ბომბარდირია.

🚨 AGUERO HAS DONE IT!! 🚨 The most goals scored for one club in Premier League history! 🔥 Incredible achievement 👏 pic.twitter.com/udhPjab8qy — ESPN FC (@ESPNFC) May 23, 2021