სერხიო რამოსის ფენომენალური სტატისტიკა
5 წლის წინ
ფეხბურთი
3 წთ
- პირველი ფინალი, რომელშიც რამოსმა თავი გამოიჩინა 2007 წელს იყო. მან ესპანეთის სუპერ თასზე "სევილიას" გაუტანა. ორი მატჩის ჯამში "რეალმა" 6:3 წააგო.
- მეორე ფინალი, რომელშიც სერხიო რამოსმა თავი გამოიჩინა 2008 წელს გაიმართა. ისევ ესპანეთის სუპერ თასზე ამჯერად "ვალენსიას" წინააღმდეგ. ორი მატჩის ჯამში მადრიდელებმა 6:5 მოიგეს.
- მესამე ფინალი 2013-14 წლების სეზონი იყო. ჩემპიონთა ლიგის ფინალში რამოსმა ბოლო წამზე "ატლეტიკოს" გაუტანა. "რეალი" 1:0 აგებდა. 93-ე წუთზე მან გაათანაბრა და საბოლოოდ დამატებით დროში გუნდმა "ატლეტიკოს" 4:1 მოუგო.
- 2014 წელს სერხიო რამოსმა მეოთხე ფინალში გამოიჩინა თავი. ამჯერად მისი მსხვერპლი მსოფლიოს საკლუბო ჩემპიონატზე "სან ლორენცო" აღმოჩნდა. მადრიდელებმა მეტოქე 2:0 დაამარცხეს და მორიგი ტიტული მოიპოვეს.
- მეხუთე ფინალი კი ისევ ჩემპიონთა ლიგაზე გაიმართა, ამჯერად 2015-16 წლების სეზონში. მეტოქე ისევ "ატლეტიკო". რამოსმა ამჯერად ანგარიში გახსნა და "რეალი" დააწინაურა. საბოლოოდ, "სამეფო კლუბმა" ის შეხვედრა თერთმეტ მეტრიანების სერიაში მოიგეს.
- მეექვსე ფინალი 2016 წელს, ევროპის სუპერ თასზე გაიმართა. "რეალი" "სევილიას" დაუპირისპირდა და 3:2 დაამარცხა. ძირითადი დრო 2:2 დამთავრდა. მადრიდელები აგებდნენ და 93-ე წუთზე სერხიო რამოსმა ანგარიში გაათანაბრა. დამატებით დროში კი "რეალმა" კარვახალის გოლით მოიგო.
- მეშვიდე ფინალი, რომელშიც სერხიო რამოსმა თავი გამოიჩინა 2018 წელს გაიმართა. ევროპის სუპერ თასზე "რეალი" "ატლეტიკოს" შეხვდა და მართალია დამარცხდა, მაგრამ რამოსმა თავისი გოლი აქაც გაიტანა. მან 63-ე წუთზე საკუთარი გუნდი წინ გაიყვანა.
- მერვე ფინალი კი სულ რამდენიმე დღის წინ, მსოფლიოს საკლუბო ჩემპიონატზე შედგა. მადრიდის "რეალი" "ალ აინს" დაუპირისპირდა. მადრიდელებმა მეტოქე 4:1 გაანადგურეს. სერხიო რამოსმა კი 79-ე წუთზე გაიტანა და ანგარიში 3:0 გახადა.
სხვა სტატიები
