შოთა არველაძის ფახთაქორი უზბეკეთის ჩემპიონი გახდა

შოთა არველაძის გაწვრთნილმა გუნდმა, ტაშკენტის „ფახთაქორმა“ უზბეკეთის ჩემპიონობა იზეიმა.

ქართველი სპეციალისტის კლუბი უზბეკეთის პირველობის გამარჯვებული ჩემპიონატის დასრულებამდე სამი ტურით ადრე გახდა.

„ფახთაქორმა“ ბოლო მატჩში „კოკანდომ-1912“ ანგარიშით 2:1 დაამარცხა, 59 ქულა მოიპოვა და უახლოეს მდევარს 14 ქულით გაასწრო.

შოთა არველაძე „ფახთაქორის“ ჩემპიონობას ფეისბუქის საკუთარ გვერდზე გამოეხმაურა: „ზედიზედ მეორედ – ფახთაქორი სუპერ ლიგის ჩემპიონია! ვამაყობ ჩემი გუნდით და ამ მიღწევით. ვფიქრობ, არა მხოლოდ უზბეკეთში, არამედ რეგიონში ერთ-ერთი საუკეთესო გუნდი შევქმენით. მადლობას გიხდით ყველას, თბილი მესიჯებისთვის და იმ ყოველდღიური მხარდაჭერისთვის, რომელსაც თქვენგან ვგრძნობ.”

აღსანიშნავია, რომ შოთა არველაძე საქართველოს ეროვნული ნაკრების მწვრთნელობის ერთ-ერთ მთავარ კანდიდატად მოიაზრება.

წყარო: 1tv.ge

(60)

შოთა არველაძის ფახთაქორი უზბეკეთის ჩემპიონი გახდა

სტატიის ავტორი
-