"მანჩესტერ იუნაიტედი" სენსაციის მოხდენასთან და პრემიერლიგის სათავეში მყოფი "ლივერპულის" დამარცხებასთან ახლოს იყო, თუმცა "ოლდ ტრაფორდზე" გამართულ შეხვედრაში მერსისაიდელებმა ქულა გადაარჩინეს.
საინტერესოა, რომ ოლე გუნარ სოლსკიაერი პრემიერლიგაში ერთადერთი მწვრთნელია, რომლის წინააღმდეგაც იურგენ კლოპს მინიმუმ ორი მატჩი ჩაუტარებია და გამარჯვება არ მოუპოვებია - წინა სეზონის მეორე წრის შეხვედრა მანჩესტერში უგოლოდ დასრულდა.
მატჩის შემდეგ, ნორვეგიელმა სპეციალისტმა, რომლის გუნდიც 10 ქულით მე-13 ადგილზეა, მარტინ ატკინსონის ქმედება გააკრიტიკა და თქვა, რომ მსაჯმა შეხვედრა გააფუჭა.
