სონის ტრავმა სერიოზული არ აღმოჩნდა - კორეელი მუნდიალზე ითამაშებს
ჰიუნ-მინ სონის ტრავმა სერიოზული არ აღმოჩნდა და კორეელი შემტევი მსოფლიოს 2022 წლის ჩემპიონატზე მონაწილეობას მიიღებს.
ლონდონის "ტოტენჰემის" მარცხენაფლანგელმა საკუთარ Instagram-ის სთორიში გამოაქვეყნა ინფორმაცია იმასთან დაკავშირებით, რომ ყატარში გასამართ მუნდიალზე მონაწილეობას მიიღებს.
Heung-Min Son confirms on his IG Story that he is going to the World Cup 😍 pic.twitter.com/WP7gU7Au8A
— B/R Football (@brfootball) November 9, 2022
30 წლის ფეხბურთელმა სახის არეში დაზიანება უეფას ჩემპიონთა ლიგის ჯგუფური ეტაპის მეექვსე ტურის შეხვედრაში, "მარსელის" წინააღმდეგ (1:2) მიიღო და მოედანი მატჩის 28-ე წუთზე დატოვა, რის გამოც ინგლისის პრემიერ ლიგის მე-15 ტურის მატჩში "ლივერპულის" წინააღმდეგ (1:2) ვერ ითამაშა.
სამხრეთ კორეის ნაკრები მსოფლიოს ჩემპიონატის H ჯგუფში ურუგვაის, განისა და პორტუგალიის ნაკრებებთან ერთად იქნება, პირველ შეხვედრას კორეელები ურუგვაის წინააღმდეგ 24 ნოემბერს გამართავენ.
სხვა სტატიები
.32.webp)
