დამოუკიდებელი ქართული ფეხბურთის ისტორიაში ყველაზე მნიშვნელოვანი მატჩი ახლოვდება. 26 მარტს, საქართველოს ნაკრები ერთა ლიგის ნახევარფინალში ბელარუსის ეროვნულ გუნდს დაუპირისპირდება.
მატჩამდე 38 დღით ადრე, "დინამო არენაზე" დასასწრები ბილეთების ნახევარზე მეტი უკვე გაყიდულია. ინფორმაციას საქართველოს ფეხბურთის ფედერაციის ოფიციალური გვერდი აქვეყნებს.
"დინამო არენას" ტევადობა 54 202 ადგილია, ბილეთების გაყიდვის დაწყებიდან კი 48 საათია გასული.
