სტივენ ჯერარდი: "მომავალში ლივერპულის მწვრთნელობას ვისურვებდი"

" ძალიან ხშირად მისვამენ ამ შეკითხვას. ვფიქრობ, რომ  ყველაფერი ისე იქნება, როგორც უნდა მოხდეს. მინდა თუ არა, რომ "ლივერპულის" მწვრთნელი გავხდე? ვოცნებობ თუ არა ამაზე? რა თქმა უნდა. ეს არის კლუბი, რომელიც ჩემთვის ყველაფერს ნიშნავს, თუმცა ჩვენ ერთ-ერთი საუკეთესო, თუ არა საუკეთესო მწვრთნელი გვყავს მსოფლიოში, რომელიც საოცრად მუშაობს მოსვლის მომენტიდან. ბოლო წლებში მან მრავალი წარმატება მოგვიტანა. "ლივერპული" ფანტასტიკურ მდგომარეობაშია. დაე, რაც შეიძლება დიდხანს გაგრძელდეს ასე". "მთელი ჩემი კარიერის განმავლობაში კლუბისგან საოცრად კარგ დამოკიდებულებას და მხარდაჭერას ვგრძნობდი. ახალც ვუყურებ "ლივერპულის" ყველა შეხვედრას, კლუბის მიმართ ჩემი დამოკიდებულება არ შეცვლილა. მეტი განსახილველი აღარაფერია. ის, რომ "ლივერპულისთვის" კარგი მოთამაშე ვიყავი და მთელი კარიერა იქ გავატარე, არ ნიშნავს იმას, რომ აუცილებლად გუნდის შემდეგი მთავარი მწვრთნელი ვიქნები. თუ ოდესმე ეს ადგილი გათავისუფლდება, გუნდს ტოპ სპეციალისტების რიგი დაუდგება".