სულშერი: "სიტისთან შეხვედრა იდეალური შესაძლებლობაა, რომ ნაპერწკალი დავიბრუნოთ"

" მსგავსი დაპირისპირებები ყოველთვის იდეალური შესაძლებლობაა, რომ ყველაფერი თავიდან დაიწყო. "სიტისთან" შეხვედრაში ჩვენ ნაპერწკლის დაბრუნება შეგვეძლება, რომელიც ბოლო შეხვედრებია, ძალიან გვაკლია და ეს შედგებზეც აისახა. ჩვენ ძალიან კარგად გვესმის, თუ რა მნიშვნელობა აქვს მანჩესტერულ დერბის გულშემატკივრებისთვის". " ჩვენ გამოცდის ჩაბარება შესანიშნავ ფორმაში მყოფი გუნდის წინააღმდეგ მოგვიწევს, კარგად თამაში გვმართებს, როგორც დაცვაში, ასევე შეტევაში. მსგავსი შეხვედრები ყოველთვის დიდი გამოწვევაა, როდესაც სათამაშოდ ისეთ ფორმაში მყოფი გუნდის წინააღმდეგ გადიხარ, როგორიც "სიტია", იცი, რომ ბოლომდე უნდა დაიხარჯო და შესაძლებლობების მაქსიმუმი გამოავლინო. ამ შეხვედრაში გამარჯვება შესაძლოა გარდამტეხი გამოდგეს ჩემი მოთამაშეებისთვის". 

" რა თქმა უნდა, ბოლო შეხვედრებში ქულების დაკარგვის გამო იმედგაცრუებულები ვართ. ყველა შეხვედრაში ვცდილობთ, რომ გავიმარჯვოთ. ამ გუნდმა გრძელი გზა განვლო და ახლა კიდევ ერთი წინ გადაგმული ნაბიჯი გვჭირდება. მაგრამ 6-7 თვის წინ როდესაც ჩვენზე საუბრობდნენ, სიტყვა ტიტული არ ისმოდა, ამიტომ მოხარული ვარ, რომ იმაზე კარგად ვასპარეზობთ, ვიდრე ამას ჩვენგან ელოდნენ. ჩვენი მიზანი ყველა შეხვედრაში გამარჯვებაა და ვიმედოვნებთ, რომ ამის მისაღწევად საკმარის მომენტებს შევქმნით".