დღეს UEFA-ს ევროპა ლიგის პირველი საკვალიფიკაციო რაუნდის მატჩები გაიმართა.
თბილისის "ლოკომოტივი" შინ "კრაიოვას" დაუპირისპირდა და საკმაოდ რთული მეტოქე 2:1 დაამარცხა.
გია ჭიაბრიშვილის გუნდი, მიუხედავად რუმინელთა სიძლიერისა, მთელი შეხვედრის განმავლობაში დამაჯერებლად გამოიყურებოდა.
ანგარიში "ლოკომოტივმა" 57-ე წუთზე გახსნა - შესანიშნავი კომბინაცია ირაკლი სიხარულიძემ ზუსტი დარტყმით დაასრულა. "რკინიგზელებმა" "კრაიოვას" კარში მე-2 ბურთი 4 წუთში გაიტანეს - მეტოქე გუნდის მეკარესთან პირისპირ გასულმა მაროკოელმა ლეგიონერმა, ულად-ომარ იმრანმა აუღებლად დაარტყა.
რუმინელებმა ანგარიში კომპესირებულ დროში შეამცირეს, თუმცა დარჩენილ დროში ქართველთა კარში კიდევ ერთი გოლის გატანა ვერ მოახერხეს.
"ლოკომოტივის" მეტოქე ევროპა ლიგის მე-2 საკვალიფიკაციო ეტაპზე სულ მალე გაირკვევა.
