თბილისში ვილიარეალის აკადემია იხსნება

„უკვე შემიძლია გითხრათ, რომ თბილისში „ვილიარეალის“ საფეხბურთო აკადემია გაიხსნება. ესპანეთში ვიყავი და ესპანურ გუნდთან თანამშრომლობაზე ხელშეკრულება უკვე გაფორმებულია. სამუშაოები უკვე დაწყებულია, საფეხბურთო აკადემიის გახსნაზე თბილისში ესპანეთის ნაკრების ყოფილი წევრი და „ვილიარეალის“ ყოფილი კაპიტანი მარკოს სენა და კლუბის წარმომადგენლები გვესტუმრებიან, ხოლო აკადემიის ამოქმედება გაზაფხულზე იგეგმება“, – ამბობს გიორგი სანიძე.

„ადგილი შერჩეულია და იმედი გვაქვს, რომ ინფრასტრუქტურას მოვაწესრიგებთ. მაგრამ სანამ სტადიონის თაობაზე საიჯარო ხელშეკრულებას არ გავაფორმებთ, მანამდე ლოკაციას ვერ დავასახელებ. არაა გამორიცხული, რამდენიმე ლოკაციაც გვქონდეს – თბილისის გარდა, ბათუმში, ქობულეთსა და ფოთში. თუმცა, ეს ყველაფერი ჯერ კიდევ გადაწყვეტის ფაზაშია“.

„ჩვენი ყველას ამოცანა ქართველი ფეხბურთელების ევროპულ ბაზარზე გაყვანა და მათთან მჭიდრო კავშირების დამყარებაა. მიხარია, რომ ამ საკითხში ჩემი წვლილი შევიტანე, რადგან საწვრთნელი პროცესის წარმართვაში ესპანური გუნდის მწვრთნელები დაგვეხმარებიან, მათ მიერ ორგანიზებულ ტურნირებზე მონაწილეობას შევძლებთ, ბავშვებს და მწვრთნელებს სტაჟირებაზე წავიყვანთ."

წყარო: 1tv.ge