ტირანა თბილისში მთავარი ბომბარდირის გარეშე ჩამოვიდა

ხვალ ჩემპიონთა ლიგის პირველ საკვალიფიკაციო ეტაპზე “დინამო თბილისი” შინ “ტირანას” დაუპირისპირდება.

ალბანეთის ჩემპიონი უკვე საქართველოშია და თბილისში პირველ ვარჯიშსაც ატარებს. “ტირანას” მთავარმა მწვრთნელმა ემანუელ ეგბომ დაასახელა 22-კაციანი შემადგენლობა, სადაც არ არის გუნდის მთავარი ბომბარდირი მაიკლ ნგოო. ინგლისელ თავდამსხმელს გასული სეზონის ბოლოს “ტირანასთან” კონტრაქტი ამოეწურა და მან გუნდის დატოვება გადაწყვიტა.

31 წლის ფეხბურთელს ალბანეთის ჩემპიონატის 2019/20 წლების სეზონში ჩატარებულ 31 მატჩში საოცარი სტატისტიკა ჰქონდა – 13 გოლი და 16 საგოლე გადაცემა.

“დინამო თბილისსა” და “ტირანას” შორის დაპირისპირება 21 საათზე დაიწყება.

(627)

ტირანა თბილისში მთავარი ბომბარდირის გარეშე ჩამოვიდა

სტატიის ავტორი
-