ლონდონის "ტოტენჰემი" ახალ სტადიონზე გადასარგებლად ემზადება. შეგახსენებთ, რომ უკვე რამდენიმე წელია მაურისიო პოჩეტინოს გუნდი საშინაო თამაშებს "უემბლიზე" ატარებს.
რაც შეეხება ახალ მოედანს, მისი მშენებლობა 1 მილიარდი ევრო დაჯდა და 62 000 მაყურებელზეა გათვლილი.
სტადიონზე, რომელიც "ტოტენჰემის" სახელს ატარებს, უკვე ჩატარდა სადებიუტო მატჩი. ლონდონელთა 18-წლამდე გუნდმა გუშინ "საუთჰემპტონი" მიიღო და მეტოქე 3:1 დაამარცხა.
აღნიშნული თამაშის შემდეგ, "ტოტენჰემის" ქომაგმა სოციალურ ქსელში ძალიან საინტერესო ფოტო განათავსა - ერთ-ერთი ტრიბუნიდან მოედანი კარგად არ ჩანს.
დღეს კი, ინგლისურ მედიაში დაიწერა, რომ "ტოტენჰემის" სტადიონზე მისული ქომაგები, რომლებსაც ძაღლები ჰყავთ, შეძლებენ, რომ თავიანთი შინაური ცხოველები სპეციალურად მათთვის შექმნილ საპირფარეშოებში შეიყვანონ.
.32.webp)
