ზამთრის სატრანსფერო ფანჯარაზე "როტორში" კიდევ ერთი ქართველი ფეხბურთელი გადავიდა.
"თელავის" ფეხბურთელი, ილია ბერიაშვილი კარიერას რუსეთის პრემიერლიგაში გააგრძელებს.
22 წლის ცენტრალურ მცველსა და "როტორს" შორის გაფორმებული ხელშეკრულების პირობები ჯერ-ჯერობით უცნობია.
გეტყვით, რომ ბერიაშვილი საქართველოს 21-წლამდე ნაკრების ახლა უკვე ყოფილი წევრია. გასულ შესარჩევ ეტაპზე მან 7 მატჩი ჩაატარა, ამხანაგურ შეხვედრაში მონაწილეობა კი 2-ჯერ მიიღო.