"რეინჯერსმა" ბრწყინვალე ევროპული სეზონი შემოგვთავა და UEFA-ს ევროპა ლიგის ჩემპიონის ტიტულის მოპოვებასთან ძალიან ახლოს იყო, თუმცა ფინალში "აინტრახტთან" დამარცხდა. შოტლანდიურ კლუბს საკუთარი დიდების დარბაზში, ევროპის რანგით მეორე საკლუბო ტურნირის თასის დაბინავება შეეძლო, მაგრამ საფეხბურთო ფორტუნა მოწინააღმდეგის მხარეს აღმოჩნდა.
1972 წელს, თასების მფლობელთა თასის მოგების შემდეგ, "რეინჯერსი" ევროპულ ტიტულთან ასე ახლოს არასდროს ყოფილა და ფინალში მარცხის შემდეგ, ჯოვანი ბრონხორსტის გაწვრთნილ გუნდს, გულის დამშვიდების შესაძლებლობა შოტლანდიის თასის ფინალში ექნება, რომელშიც "რეინჯერსი" "ჰართსს" დაუპირისპირდება.
"რეინჯერსი" მსოფლიოში მეორე საუკეთესო გუნდია, რომელმაც ყველაზე მეტი მნიშვნელოვანი ტიტულის მოპოვება შეძლო. შოტლანდიური კლუბის აქტივში 116 ტიტულია და დაუძინებელ მტერს - "სელტიკს" უსწრებს. სტატიაში გთავაზობთ საუკეთესო კლუბებს, რომლებმაც ყველაზე მეტი მნიშვნელოვანი ტიტულის მოპოვება შეძლეს. ტიტულების ჩამონათვალში, რანგით ქვედა დივიზიონებში მოპოვებული ტიტულები და სუპერ თასის ფინალში მოპოვებული გამარჯვებები გათვალისწინებული არაა.
=. "რივერ პლეიტი" - არგენტინა - 49 ტიტული=. "ცსკა" - რუსეთი - 49 ტიტული24. "გრასჰოპერსი" - შვეიცარია - 49 ტიტული23. "ზემალეკი" - ეგვიპტე - 53 ტიტული22. "კოლო კოლო" - ჩილე - 55 ტიტული=. "ოლიმპია" - პარაგვაი - 56 ტიტული20. "ბოკა ხუნიორსი" - არგენტინა - 56 ტიტული19. "სტიაუა" - რუმინეთი - 58 ტიტული18. "ანდერლეხტი" - ბელგია - 60 ტიტული=. "ლივერპული" - ინგლისი - 62 ტიტული16. "გალათასარაი" - თურქეთი - 62 ტიტული15. "მანჩესტერ იუნაიტედი" - ინგლისი - 66 ტიტული14. "იუვენტუსი" - იტალია - 67 ტიტული13. "აიაქსი" - ნიდერლანდები - 73 ტიტული12. "პორტო" - პორტუგალია - 77 ტიტული11. "ოლიმპიაკოსი" - საბერძნეთი - 79 ტიტული=. "ბაიერნი" - გერმანია - 81 ტიტული9. "ალ-ფაისალი" - იორდანია - 81 ტიტული8. "ბენფიკა" - პორტუგალია - 83 ტიტული7. "ბარსელონა" - ესპანეთი - 92 ტიტული6. "რეალი" - ესპანეთი - 95 ტიტული5. "პენიაროლი" - ურუგვაი - 110 ტიტული4. "სელტიკი" - შოტლანდია - 113 ტიტული=. "ნასიონალი" - ურუგვაი - 116 ტიტული2. "რეინჯერსი" - შოტლანდია - 116 ტიტული1. "ალ აჰლი" - ეგვიპტე - 121 ტიტული
