"პსჟ-ს" მთავარმა მწვრთნელმა ტომას ტუხელმა ყოფილ გუნდ დორტმუნდის "ბორუსიასთან" ჩემპიონთა ლიგის მერვედფინალური მატჩის წინ, თავისი გუნდის ლიდერის ნეიმარის შესაძლებლობებზე ისაუბრა.
"ნეიმარს მნიშვნელოვანი მატჩების ბედის გადაწყვეტა მარტოს შეუძლია. ეს სხვა ფეხბურთელებს თავდაჯერებულობას მატებს და უფრო გაბედულად მოქმედებაში ეხმარება.
მსიამოვნებს დორტმუნდში დაბრუნება და ამ სტადიონთან განსაკუთრებული გრძნობები მაკავშირებს.
ფსიქოლოგიურად ყველაფრისთვის მზად უნდა ვიყოთ. შესანიშნავი შესაძლებლობა გვაქვს, რათა მსოფლიოს საკუთარი შესაძლებლობები დავუმტკიცოთ",-თქვა გერმანელმა სპეციალისტმა.
