UEFA-ს ერთა ლიგის, A-დივიზიონის, A1 ჯგუფის შეხვედრაში, გერმანია - საფრანგეთს დაუპირისპირდა. მიუნხენში, "ალიანც არენაზე" გამართული უაღრესად საინტერესო დაპირისპირება, ფრედ 0:0 დასრულდა. უგოლო ფრის მიუხედავად, უნდა აღინიშნოს რომ შეხვედრაში არაერთი სახიფათო მომენტი შეიქმნა, თუმცა მანუელ ნოიერი და ალფონს არეოლა მოწოდების სიმაღლეზე აღმოჩნდნენ.
ბურთის ფლობის მხრივ მცირედ უპირატესობას მასპინძლები ფლობდნენ. რაც შეეხება მწვავე შეტევებსა და სახიფათო მომენტებს - ამ კომპონენტში გერმანელთა დომინირება კიდევ უფრო თვალსაჩინო იყო.
