უპასუხოდ დარჩენილი კითხვები და კუმანის განცხადება | კუმანი ჟურნალისტებს დაუპირისპირდა

"გუნდი ჩემს ხელშია, ამჟამად გუნდი ხელახლა შენების პროცესშია. კლუბის ფინანსური სიტუაცია სპორტულ შედეგებთან პირდაპირ არის კავშირში, სპორტული შედეგები კი ფინანსურ მდგრადობაზე აისახება. ეს იმას ნიშნავს, რომ ჩვენ გუნდის შენება ფინანსური ინვესტირების გარეშე გვიწევს. ამას კი დრო სჭირდება. რამდენიმე წელიწადში, გუნდში მოთამაშე ახალგაზრდა ფეხბურთელები ვარსკვლავებად იქცევიან. გუნდის რეკონსტრუქციისთვის, ჩვენ ახალგაზრდა ფეხბურთელებს თავის გამოჩენის შესაძლებლობა უნდა მივცეთ. გაიხსენეთ ხავისა და ინიესტას მაგალითი. ჩვენ მოთმინება გვმართებს. ლა ლიგის ცხრილის სათავეში ყოფნა დიდი წარმატება იქნება, მაგრამ ჩემპიონთა ლიგაზე სასწაულებს არ უნდა ველოდოთ. "ბაიერნთან" თამაში სწორად ამ ჭრილიდან უნდა განვიხილოთ. ჩვენ ისეთ პერიოდში ვიმყოფებით, როდესაც გუნდს განსაკუთრებული მხარდაჭერა და გამხნევება სჭირდება. იმედი მაქვს, მედია გაიაზრებს ამ მდგომარეობას - ეს არ არის პირველი შემთხვევა ისტორიაში, როდესაც კლუბმა ასეთი რამ გამოსცადა", - განაცხადა კუმანმა.