ვირჯილ ვან დაიკი საოცარ ფორმაში იმყოფება - მიმდინარე სეზონში ჰოლანდიელ ცენტრალურ მცველს პრემიერ ლიგაში არავინ გაცდენია, თუმცა მისი საოცარი სტატისტიკა მხოლოდ მიმდინარე სეზონით არ შემოიფარგლება.
ბრიტანული მედიის თანახმად, უკანასკნელად ვან დაიკს პრემიერ ლიგაში გასული წლის 3 მარტს გაცდნენ - ეს ფეხბურთელი კი მიკელ მერინო იყო, რომელიც იმ პერიოდში "ნიუკასლში" თამაშობდა. ამჟამად მერინო "რეალ სოსიედასის" რიგებში თამაშობს.
ვან დაიკი "ლივერპულმა" "საუთჰემპტონისგან" შეიძინა და მის სანაცვლოდ £75 მილიონი გადაიხადა. ასეთი დიდი მოცულობის თანხის გადახდას გულშემატკივრების გარკვეული ნაწილი სკეპტიკურად აფასებდა, თუმცა თავისუფლად შეიძლება ითქვას, რომ ვან დაიკმა გაცემული ავანსი 100%-ით გაამართლა.