"ლაიფციგის" თავდამსხმელი ტიმო ვერნერი "ჩელსის" შეუთანხმდა. ინფორმაციას გერმანული Bild-ი ავრცელებს.
როგორც ცნობილია, ლონდონური კლუბი "ლაიფციგს" ვერნერის სანაცვლოდ გამოსასყიდ თანხას - 60 მილიონ ევროს გადაუხდის.
წყაროს თანახმად, "ლივერპულმა", რომელიც გერმანელის ტრანსფერით იყო დაინტერესებული, ხსენებული თანხის გადახდა არ ისურვა.
რაც შეეხება კონტრაქტს, ტიმო ვერნერი "ჩელსისთან" 5 წლიან ხელშეკრულებას გააფორმებს. მისი ანაზღაურება წლიურად 10 მილიონ ევრო იქნება.
24 წლის გერმანელმა თავდამსხმელმა მიმდინარე სეზონში 31 გოლი გაიტანა და 13 საგოლე გადაცემა გააკეთა.
