ვლადიმირ ვაისი: "კარიერაში მქონია მატჩები, როცა პირველი მოუგებელი თამაშის მიუხედავად შემდეგ ეტაპზე გავსულვარ"

"შედეგი გულდასაწყვეტია, მაგრამ მე გამოცდილებაში ისეთი დაპირისპირებები მაქვს, რომლის პირველ შეხვედრაში 0:0 ვითამაშეთ, თუმცა, ბოლოს გამარჯვებას მივაღწიეთ. ვიცოდით, რომ ისინი სწრაფები არიან, ბურთთან ერთად საკმაოდ ტექნიკურები და ტაქტიკურად მომზადებულები. ასეთ მეტოქეს უნდა მოუგო მომენტების რეალიზებით. დღეს ფეხბურთში ფიზიკური მდგომარეობა გადამწყვეტია და ამაში ისინი უკეთესები იყვნენ. ჩვენ უნდა მოვახერხოთ და ეს დუელი წარმატებით დავასრულოთ. ჩვენ ვთამაშობთ ხარისხიანი მეტოქის წინააღმდეგ, რომელსაც ვიცნობ და ისინიც კარგად გვიცნობენ, რადგან იქ ხუთი წელი გავატარე. ისინი მოქნილები არიან. მათ იციან რისი გაკეთება სურთ და მუდმივად ტემპში არიან, რადგან რთული ლიგა აქვთ. მოსამზადებლად საკმარისი დრო არ გვქონდა. ივნისში რვა ფეხბურთელს სანაკრებო მატჩები ჰქონდა, მე კი სეზონის დასრულებისთანავე კოვიდი დამემართა. იმედი მაქვს, რომ ოთხშაბათამდე გვექნება დრო, რომ კიდევ უფრო კარგად მოვემზადოთ და ვიხილოთ გუნდი, რომელიც უფრო ახლოს იქნება ჩემს იდეებთან. მიუხედავად იმისა, რომ მე არასოდეს დავკმაყოფილდები. ნებისმიერ შემთხვევაში ბათუმში რთული შეხვედრა გველის", - თქვა ვლადიმირ ვაისმა.