პორტუგალიელმა სპეციალისტმა, ჟოზე მოურინიომ, გერმანული ენის სწავლა დაიწყო. აღნიშნულთან დაკავშირებით მან განცხადება Goal.com-თან საუბრისას გააკეთა, რამაც გააჩინა ეჭვები იმასთან დაკავშირებით, რომ მოურინიო მიუნხენის "ბაიერნს" ჩაიბარებს.
"დიახ, ამჟამად გერმანულ ენას ვსწავლობ. ამისი მიზეზი მარტივია - მე უბრალოდ გერმანული ენა არ ვიცი, ამ დროს კი ინგლისურად, ესპანურად, პორტუგალიურად, ფრანგულად და იტალიურად შემიძლია ლაპარაკი. ეს იმას არ ნიშნავს, რომ აუცილებლად გერმანიაში ვიმუშავებ, თუმცა არაფერია გამორიცხული," განაცხადა ჟოზე მოურინიომ.