"ტოტენჰემის" მთავარმა მწვრთნელმა ჟოზე მოურინიომ ფეხბურთში გამეფებული რასიზმის შესახებ მწუხარებით ისაუბრა.
"როცა ასეთი რამ ხდება, ყოველთვის ძალიან ვწუხვარ. მე მხარს ვუჭერ მმართველი ორგანოების ნებისმიერ გადაწყვეტილებას, რომელიც მიმართულია რასიზმის წინააღმდეგ.
ფეხბურთი მიკრო-საზოგადოებაა, რომელსაც დახმარება აუცილებლად სჭირდება, ისევე, როგორც მთლიან საზოგადოებას.
უნდა ვებრძოლოთ და აღმოვფხვრათ დისკრიმინაციის ყველა ფორმა. ფეხბურთს და საზოგადოებას დახმარება სჭირდება",-თქვა "განსაკუთრებულმა".
პრემიერლიგის მე-18 ტურში გამართული ლონდონური დერბის დროს, ორივე გუნდის გულშემატკივარმა მეტოქის ფეხბურთელებს რასისტული შეურაცხყოფა მიაყენა, კერძოდ კი სონჰიუ-მინს და ანტონიო რუდიგერს.
