თორნიკე შენგელია კარიერის ერთ-ერთ საუკეთესო სეზონს ატარებს. “ბასკონიას” კაპიტანი საკუთარ გუნდს როგორც ესპანეთის ჩემპიონატში, ასევე, ევროლიგაში ლიდერობს.
ევროლიგის ოფიციალური გვერდის პოსტი ამის დასტურია. 10 ტურის შემდეგ, თორნიკე მარგი ქმედების კოეფიციენტის მაჩვენებლით ტურნირზე საუკეთესოა – 22.8.
შენგელია ტურნირის ისეთ ვარსკვლავებს უსწრებს, როგორებიც არიან: ნანდო დე კოლო, ნიკ კალატესი და ნიკოლა მიროტიჩი.
თორნიკე შენგელია ევროლიგის მიმდინარე სეზონში საშუალოდ 19.2 ქულას, 6.5 მოხსნასა და 2.3 შედეგიან გადაცემას აკეთებს.
