2018 წლის მთავარი ქართული სპორტული მოვლენები (ფოტო/ვიდეო)
5 წლის წინ
კალათბურთი
17 წთ
ფეხბურთი
2018 წელი ქართული ფეხბურთის ისტორიაში ერთ-ერთი გამორჩეული გამოდგა. საქართველოს ეროვნულმა საფეხბურთო ნაკრებმა შეიძლება ითქვას, რომ ისტორიული შედეგი დააფიქსირა. UEFA-ს ერთა ლიგის მიღმა, 2018 წელს საქართველოს ნაკრებმა 4 ამხანაგური შეხვედრა გამართა. ჯამში, საერთაშორისო ამხანაგურ და და ერთა ლიგის მატჩებში „ჯვაროსნებმა“ ბრწყინვალე შედეგი დააფიქსირეს. ჩატარებულ 10 შეხვედრაში, საქართველოს ნაკრები მხოლოდ ერთხელს დამარცხდა. ერთადერთი და დასანანაი მარცხი, გადახალისებული შემადგენლობით მოასპარეზე „ჯვაროსნებმა“ ლუქსემბურგის წინააღმდეგ იწვნიეს. (საერთაშორისო ამხანაგური მატჩი, ლუქსემბურგი 1:0 საქართველო) საერთაშორისო ამხანაგური მატჩების შემდეგ, საქართველოს საფეხბურთო ნაკრებმა UEFA-ს ერთა ლიგაზე განაგრძო ბრწყინვალე ასპარეზობა. საქართველოს ეროვნულმა ნაკრებმა ერთა ლიგის D-დივიზიონის ჯგუფურ ეტაპზე ასპარეზობა ტრიუმფით დაასრულა. D1 ჯგუფში, ჯვაროსნებმა 16 ქულით პირველი ადგილი დაიკავეს და D-დივიზიონის საუკეთესო პირველადგილოსნის სტატუსი მოიპოვეს.რაგბი
2018 წელს ქართული რაგბის გარშემო არაერთი საინტერესო მოვლენა განვითარდა. ბორჯღალოსანთა რიგებში რამდენიმე ახალწვეულმა მოიგო კვართი, რომელთაც განსაკუთრებული წვლილი შეიტანეს საქართველოს მორაგბეთა ნაკრების გამარჯვებებში და თავი არაერთი ბრწყინვალე მომენტით დაამახსოვრეს გულშემატკივარს. 2018 წელი ბორჯღალოსნებმა ბელგიისა და გერმანიის რბევით დაიწყეს. რაგბი ევროპის ჩემპიონატის უპირობო ფავორიტმა ორივე მეტოქე პირწმინდად გაანადგურა და ფავორიტის სტატუსი გაამართლა. რაგბი ევროპის ჩემპიონატზე ასპარეზობა ბორჯღალოსნებმა უდანაკარგოთ დაასრულეს. გამართული ხუთი შეხვედრიდან ბორჯღალოსნებმა ხუთი გამარჯვება იზეიმეს. რაგბი ევროპის ჩემპიონატის უკანასკნელ მატჩში საქართველოს მორაგბეთა ნაკრებმა შინ რუმინეთს უმასპინძლა. პრინციპულ მეტოქესთან დაპირისპირება ბორჯღალოსანთა გამარჯვებით დასრულდა.კალათბურთი
საქართველოს საკალათბურთო ნაკრებმა 2019 წლის მსოფლიო ჩემპიონატზე ასპარეზობის შანსი პრაქტიკულად დაკარგა. საქართველოს ნაკრების მსოფლიო ჩემპიონატზე ასპარეზობა თითქმის უტოპიის სფეროს წარმოადგენს.ჩოგბურთი
2018 წელი განსაკუთრებული გამოდგა ნიკოლოზ ბასილაშვილისათვის, რომელმაც ჰამბურგის 500-ქულიანი ტურნირის და CHINA OPEN-ის ტრიუმფით დასრულება მოახერხა. 2018 წელს ჩატარებული ბრწყინვალე მატჩებისა და გამარჯვებების შედეგად ნიკოლოზ ბასილაშვილმა რეიტინგში საგრძნობი დაწინაურება შეძლო და კარიერის საუკეთესო მაჩვენებელი (21) დააფიქსირა.ჭიდაობა
2018 წელს ბერძნულ-რომაული სტილით მოჭიდავეთა ნაკრებმა ევროპისა და მსოფლიოს ჩემპიონატებზე მიიღო მონაწილეობა. შეიძლება ითქვას, რომ 2018 წელი წარმატებული გამოდგა. ევროპის ჩემიონატზე თავისუფალი და ბერძნულ-რომაული სტილით მოჭიდავეთა ნაკრებებმა 6-6 მედალი მოიპოვეს. აღსანიშნავია, რომ ერთ ევროპირველობაზე 12 მედალი საქართველოს აქამდე არასდროს აუღია. ევროპის ჩემპიონატის გამარჯვებული და ოქროს მედალოსანი რობერტ კობლიაშვილი (87) გახდა. ფინალურ დაპირისპირებაში კობლიაშვილმა რუსი ბეკხან ოზდოევი დრამატულ ბრძოლაში 3:2 დაამარცხა და დაღესტანში ქართული დროშა ააფრიალა. ვერცხლის მედალოსანი გახდა ევროპისა და ოლიმპიური პრიზიორი შმაგი ბოლქვაძე (67). ბრინჯაოს მედლებს კი ნუგზარ წურწუმია (55), იაქობ ქაჯაია (130) და დავით ჩხარტიშვილი (60) გახდნენ.ძიუდო
2018 წელი ძიუდოს ფედერაციაში ცუდად დაიწყო, დაპირისპირება მოხდა ფედერაციის პრეზიდენტს - დავით ქევხიშვილსა და სპორტსმენებს შორის. სამწუხაროდ ამ ფაქტმა ძალიან დიდი გავლენა მოახდინა სპორტსმენებზე, რომლებმაც გამოსვლები დაიწყეს. სწორედ ამ პერიოდში მოუწია საქართველოს ნაკრებს ევროპის ჩემპიონატზე ასპარეზობა. სამწუხაროდ ჩვენი ნაკრები ევროპის ჩემპიონატიდან უმედლოდ დაბრუნდა, რაც ძიუდოს ფედერაციაში დაპირისპირებას მიაწერეს. სამწუხარო იყო ის ფაქტიც, რომ წლის ერთ-ერთ უმნიშვნელოვანეს გრანდ სლემზე - ოსაკას გრანდ სლემზე უმედლოდ დავრჩით. დიდ იმედგაცრუებასთან ერთად, დიდი ბედნიერება დაგვარტყდა თავს - დამოუკიდებელი საქართველოს ისტორიაში მესამედ, მსოფლიოს ჩემპიონი გახდა - გურამ თუშიშვილი (+100). ვერცხლის მედალს დაეუფლა საქართველოს ნაკრების კაპიტანი - ვარლამ ლიპარტელიანი, ხოლო რაც შეეხება ბრინჯაოს - იგი ამირან პაპინაშვილის საკუთრება გახდა. ამრიგად, საქართველოს ნაკრების ასპარეზობა მსოფლიოს ჩემპიონატზე შეგვიძლია წარმატებულად შევაფასოთ. აღსანიშნავია ის ფაქტიც, რომ წარმოშობით ქართველმა - ნიკოლოზ შერაზადიშვილმა ესპანეთის სახელით ოქროს მედალი მოიპოვა და მსოფლიოს ჩემპიონის ტიტულს დაეუფლა.სუმო
2018 წელი თამამად შეიძლება ითქვას, რომ ტოჩინოშინისათვის განსაკუთრებულია. ქართველი გოლიათი 2018 წლის სტარტზე, ჰაცუ ბაშოს ტრიუმფატორი და იმპერატორის თასის მფლობელი გახდა. იმპერატორის თასთან ერთად ლევან გორგაძე (ტოჩინოშინი) სუმოს იერარქიაში ამაღლდა და ოძეკის (ჩემპიონი) ტიტულს დაეუფლა. ბრწყინვალე საბრძოლო ტექნიკისა და მებრძოლი სულის გამოვლენისათვის ტოჩინოშინი არაერთხელ გახდა ბაშოს გამორჩეული მონაწილე და სულ უფრო მეტი გულშემატკივარი შეიძინა.ძალოსნობა
2018 წელი განსაკუთრებული გამოდგა ლაშა ტალახაძისათვის. ქართველმა გოლიათმა საკუთარივე რეკორდები გააუმჯობესა და კვლავ დაეუფლა მსოფლიო ჩემპიონის ტიტულს. მორიგი რეკორდები ლაშა ტალახაძემ თურქმენეთის დედაქალაქ აშხაბადში გამართულ ძალოსანთა მსოფლიო ჩემპიონატზე დაამყარა. მან აკვრაში მეორე ცდაზე ჯერ 212 კგ. დაიმორჩილა და რეკორდი დაამყარა ხოლო მესამე მისვლაზე 217 კგ-საც მოერია და თავისივე რეკორდი რამოდენიმე წუთში გააუმჯობესა!ფარიკაობა
2018 წელი განსაკუთრებული გამოდგა ქართველი პარამოფარიკავე ირმა ხეცურიანისათვის. იაპონიის ქალაქ კიოტოში ეტლით მოსარგებლეთა შორის ხმლით ფარიკაობაში მსოფლიოს თასი გათამაშდა, რომელშიც ოქროს მედალი ქართველმა ირმა ხეცურიანმა მოიპოვა. ფინალურ შეხვედრაში ირმა ხეცურიანმა უკრაინელი ოლენა ფედოტა დაამარცხა. ქართველმა პარამოფარიკავემ 2018 წლის ბოლო ტურნირზე წარმატებით იასპარეზა. პირველ ეტაპზე, მან ფრანგი მოწინააღმდეგე დაამარცხა, შემდეგ პოლონელ მოწინააღმდეგეს სძლია, ნახევარფინალში უნგრელ ოპონენტს აჯობა. ფინალში კი ხეცურიანის მოწინააღმდეგე უკრაინელი პოლენა ფედოტა იყო, რომელიც ხეცურიანმა დამაჯერებლად დაამარცხა.ნიჩბოსნობა
2017 წელს ევროპის ჩემპიონატზე მოპოვებული ბრინჯაოს მედალი ზაზა ნადირაძემ 2018 წელს ოქროთი ჩაანაცვლა. ქართველმა ნიჩნობასნმა 2018 წელს განსაკუთრებული შედეგი დააფიქსირა. სერბეთის დედაქალაქ ბელგრადში გამართული ევროპის ჩემპიონატი ქართველი ნიჩბნოსნის ტრიუმფით დასრულდა. ფინალში ნადირაძემ 200 მეტრიანი სპრინტი 39.200 წამში დასძლია და ოქროს მედალს დაუეფლა.
სხვა სტატიები
