ევრობასკეტი 2022 | დასრულებული საკვალიფიკაციო ტურნირი და მაკფადენის ბრწყინვალე სტატისტიკა

The #EuroBasket 2022 field is set ✅ Who is winning it all 🏆? 📅 September 1-18, 2022 Posted by FIBA EuroBasket on Monday, February 22, 2021

საკვალიფიკაციო ტურნირის დასრულების შემდეგ, FIBA-ს ოფიციალურ ვებ-გვერდზე, გუნდური და ინდივიდუალური სტატისტიკა გამოქვეყნდა. გუნდურ სტატისტიკაში, საქართველოს ეროვნულმა საკალათბურთო ნაკრებმა მე-4 საუკეთესო შედეგი დააფიქსირა და ისეთი სახელოვანი ნაკრებები ჩამოიტოვა, როგორიცაა: ესპანეთი, ლიეტუვა და საფრანგეთი. საქართველოს ეროვნულ საკალათბურთო ნაკრებს, განსაკუთრებით მაღალი პროცენტული მაჩვენებელი საჯარიმო სროლებში ჰქონდა. საქართველოს ნაკრების კალათბურთელებმა, საჯარიმო სროლები 85.8%-იანი სიზუსტით შეასრულეს (148-127) რაც საკვალიფიკაციო ტურნირის საუკეთესო მაჩვენებელია. ინდივიდუალურ სტატისტიკაში, ტად მაკფადენმა მეორე საუკეთესო მაჩვენებელი დააფიქსირა. მაკფადენმა საკვალიფიკაციო ტურნირის 4-შეხვედრაში მიიღო მონაწილეობა და მატჩში საშუალოდ 22.3 ქულით შეძლო თავის გამოჩენა. ამ კომპონენტში მეექვსე ადგილი დაიკავა გიორგი შერმადინმა, რომელმაც 6-მატჩში მიიღო მონაწილეობა - შერმადინი მატჩში საშუალოდ 19.3 ქულას აგროვებდა. საშუალო ქულების მაჩვენებლით საუკეთესო შედეგი დანიელმა გაბრიელ ლუნდბერგმა დაიკავა, რომელიც მატჩში საშუალოდ 25.3 ქულას აგროვებდა.

---