გიორგი შერმადინის "იბეროსტარ ტენერიფე" ევროტურნირებში ჩაერთო.
15 ოქტომბერს, ესპანელებმა საკუთარ მოედანზე "ნიჟნი ნოვგოროდს" უმასპინძლეს და დამაჯერებლად, 14-ქულიანი სხვაობით, ანგარიშით - 81:67 გაიმარჯვეს.
შეხვედრაში საუკეთესო მაჩვენებელი ქართველ ლეგიონერს, გიორგი შერმადინს ეკუთვნოდა, რომელმაც პარკეტზე 23 წუთი და 48 წამი გაატარა, რა დროშიც საკუთარ გუნდს 24 ქულა, 9 მოხსნა და 3 შედეგიანი გადაცემა მოუტანა.
მომდევნო შეხვედრას "იბეროსტარ ტენერიფე" 20 ოქტომბერს ესპანეთის ჩემპიონატის მე-5 ტურის მატჩში, სტუმრად "მანრესას" წინააღმდეგ გამართავს.
