Eurocup-ის მე-9 ტურის ცენტრალურ შეხვედრაში, "უნიქსი" "უნიკახას" დაუპირისპირდა. მიმდინარე სეზონის ლიდერების დრამატული ბრძოლა უნიქსის გამარჯვებით, ანგარიშით 87:84 დასრულდა.
ყაზანში გამართული მატჩი გიორგი შერმადინისათვის განსაკუთრებული გამოდგა. "უნიკახას" ქართველმა ცენტრმა ფენომენალური სტატისტიკა დააფიქსირა - თუმცა მისი გარჯის მიუხედავად ესპანელებმა დასანანი მარცხი იწვნიეს.
გიორგი შერმადინმა 24:18 წუთი დაჰყო პარკეტზე და ამ დროის განმავლობაში ორივე გუნდის შემადგენლობაში საუკეთესო რეზულტატი დააფიქსირა. არასრულ 25 წუთში, შერმადინის მონაგარი 22 ქულას, 7 დაფარებასა და 1 შედეგიან გადაცემას შეადგენს. აღსანიშნავია, რომ გიორგი შერმადინმა 11-დან 9 ორქულიანის ჩაგდება შეძლო.
