გოგა ბითაძე - 100 პროცენტს გავაკეთებთ, რომ ევრობასკეტზე ყველა თამაში მოვიგოთ

„არამარტო კალათბურთის გულშემატკივრებისთვის, არამედ მთელი ქვეყნისთვის დიდი პატივია ევრობასკეტის საქართველოში ჩატარება. რა თქმა უნდა, ნაკრები ყოველთვის წინ დგას და პრიორიტეტულია და იმედი მაქვს, რომ მთელი გუნდი ჯანმრთელად შევხვდებით, რაც ყველაზე მნიშვნელოვანია, რადგან შეგვიძლია, რომ რაღაც განსაკუთრებული მოვახდინოთ ამ ევრობასკეტზე. ძალიან დიდი ხანია ნაკრებში არ მითამაშია და ვერ ვითმენ როდის ჩამოვალ და ამას შევძლებ. ძალიან რთული ჯგუფი გვყავს, მაგრამ ეს კარგია – თუ ჩვენ შორს წასვლა გვინდა, მაინც მოგვიწევს რთულ გუნდებთან თამაში და ეს ვფიქრობ კარგია, რომ ასეთი თამაშებისთვის მომზადება ჯგუფურ ეტაპზე გვიწევს. ვფიქრობ, რომ საქართველოში იმხელა რესურსი და გულშემატკივრების მხარდაჭერა გვაქვს. 100 პროცენტს გავაკეთებთ, რომ ყველა თამაში მოვიგოთ, რისი რესურსი და შესაძლებლობაც ნამდვილად გვაქვს," - განაცხადა ბითაძემ.

წყარო: 1tv.ge