გოგა ბითაძე ოფიციალური დებიუტისთვის ემზადება

NBA-ს რეგულარული სეზონი დღეს დაიწყო. პირველი შეხვედრები გამართეს “ტორონტო” – “ნიუ ორლეანსმა” (130:122) და “კლიპერსი” – “ლეიკერსმა” (112:102).

ჩვენს ყურადღებას იქცევს “ინდიანა პეისერსი”, რომელმაც ზაფხულში დრაფტზე გოგა ბითაძე აიყვანა. ახალგაზრდა ქართველს ინდიანაში იმედიანად უყურებენ.

გოგას დებიუტი “ინდიანაში” “მინესოტასთან”, პრე-სეზონის შეხვედრაში შედგა, სადაც მან 14 ქულა მოაგროვა. ახლა ბითაძე NBA-ში ოფიციალური დებიუტისთვის ემზადება.

ნეით მაკმილანის გუნდი სეზონის პირველ თამაშს ხვალ გამთენიისას, თბილისის დროით 03:00-ზე, “დეტროიტთან” გამართავს.

უდიდესი ალბათობით, 20 წლის გოგა ბითაძის დებიუტი NBA-ში სწორედ “პისტონსთან” შეხვედრაში შედგება.

 

(74)

გოგა ბითაძე ოფიციალური დებიუტისთვის ემზადება

სტატიის ავტორი
-