"გოგა იზრდება, ის ჭკვიანი მოთამაშეა" - Forbes-ის სტატია ქართველ ცენტრზე

"გოგა იცავს ბურთს ფარქვეშ, გადააადგილებს ბურთს შეტევაში და აკეთებს ყველაფერს, რაც გუნდის დასახმარებლად საჭიროა."  

"ამ სეზონში კონცენტრირებული დაცვაზე ვარ. ვცდილობ, რომ იმდენჯერ გავაჩერო მეტოქე, რამდენჯერაც ამის შესაძლებლობა მოედანზე ყოფნისას მომეცემა. ვცდილობ ვიყო აქტიური დაცვაში," - ამბობს გოგა.

მუდამ თვითდაჯერებული ბითაძე ფიქრობს, რომ მეტი პრაქტიკის შემთხვევაში ის უკეთესი გახდება: "რაც მეტ დროს მივიღებ, მგონია, რომ უფრო კარგი ვიქნები, ვითამაშებ უკეთესად, უკეთესად და უკეთესად."

"ასეთი სწრაფი შეტევების დროს ყურადღების ცენტრში ყოფნა, ბურთის მოძრაობა, სამქულიანების სროლა ჩვენთვის ძალიან საჭიროა. გოგა შესანიშნავად გამოიყურება და თამაშობს თავის თამაშს. მას მინდა ვუთხრა, რომ სუპერ საქმეს აკეთებს, უბრალოდ არ დანებდეს მაშინ, როდესაც რაღაც კარგად არ მიდის. იცით, როდესაც ის აფუჭებს სროლას ან მოხსნას, უნდა გააგრძელოს ბრძოლა," - ჯასტინ ჰოლიდეი.

"როდესაც პერიმეტრზე ადის, კარგ "სქრინებს" აყენებს, ხოლო სამწამიანში სივრცეებს იყენებს, ამიტომ, ჩვენ შეგვიძლია, რომ უფრო მარტივად შევუტიოთ, სადაც ის ბურთის ჩასაგდებად, ან მის მოსახსნელად არის. მას აქვს უნარი და ამას აკეთებს კიდეც," - ამბობს ინდიანას მწვრთნელი.

"ჩემი მთავარი მიზანია, რომ რადაც არ უნდა დამიჯდეს, დავეხმარო გუნდს მოგებაში. რაც შეეხება შეტევითი უნარების განვითარებას, მინდა, რომ დავაყენო კარგი "სქრინები" და ვიყო უფრო მობილური, " - თქვა ბითაძემ.

"მოძრაობს, აკეთებს სქრინებს, ცდილობს მოიგოს ფიზიკური ორთაბრძოლები და დაიცვას სამწამიანი. ეს ყველაფერი პლუსია," - თქვა "პეისერსის" მთავარმა მწვრთნელმა. "ვფიქრობ, რომ ამ სეზონში კარგად ვთამაშობ, თუმცა კიდევ მეტის გაკეთება შემიძლია," - გოგა ბითაძე.