კარმელო ენტონი ყველა დროის მექულეთა შორის მე-9 ადგილზე გადავიდა | TOP 10
ნაციონალური საკალათბურთო ასოციაციის ახალი, 2021/22 წლების რეგულარული სეზონი დაიწყო. მსოფლიოს ყველაზე ძლიერ ლიგაში არაერთი ცვლილება მოხდა და თვალსაჩინოა, რომ ჩემპიონობის პრეტენდენტი ამ სეზონში საკმაოდ ბევრი გუნდი იქნება. ზემოთხსენებული ცვლილებებიდან ერთ-ერთი კარმელო ენტონის "ლოს ანჯელეს ლეიკერსში" გადასვლაა. "ლეიკერსმა" რეგულარულის საწყისი ორი თამაში მარცხით გახსნა. "ლეიკერსის" კალათბურთელებმა, პირველი გამარჯვება მესამე შეხვედრაში, საკუთარ არენაზე, "მემფისის" წინააღმდეგ მოიპოვეს, სადაც ყველაზე დიდი წვლილი საკუთარი გუნდიდან კარმელო ენტონიმ შეიტანა.
On a night where @carmeloanthony moves to ninth all-time in NBA history in regular season scoring, he leads the @Lakers to the win with 28 PTS and 6 3PM 🔥 pic.twitter.com/P2pJT6TI1V — NBA (@NBA) October 25, 2021
კარმელომ პარკეტზე გატარებულ 27:35 წუთში, 28 ქულის, 3 მოხსნის, 1 შედეგიანი გადაცემის, 1 ჩაჭრისა და 2 ბლოკშოტის მოგროვება შეძლო. "მემფისის" წინააღმდეგ მოპოვებული 28 ქულით, კარმელომ ყველა დროის მექულეთა შორის, მოზეს მელოუნს გადაასწრო და მე-9 პოზიციაზე გადაინაცვლა.
Congratulations to @carmeloanthony of the @Lakers for moving into 9th all-time on the NBA’s regular season scoring list! pic.twitter.com/S0qrAXuqzJ — NBA (@NBA) October 25, 2021
ყველა დროის მექულეთა შორის ენტონისთვის მომდევნო საფუხური მე-8 პოზიციაა, სადაც ამჟამად შაკილ ო'ნილია, რომელიც კარმელოს დაახლოებით 1200 ქულით უსწრებს.