კორკმაზთან მომხდარი ინციდენტის გამო, ბითაძეს სტვენით შეხვდნენ
ნაციონალური საკალათბურთო ასოციაციის (NBA) რეგულარული სეზონის შეხვედრაში, "ფილადელფიასა" და "ინდიანას" დაპირისპირება შედგა. მატჩი მასპინძელთა გამარჯვებით, 120:106 დასრულდა.
"ფილადელფიას" წინააღმდეგ გამართულ შეხვედრაში, გოგა ბითაძემ პარკეტზე 20:45 წუთი დაჰყო. ამ დროის განმავლობაში, "პეისერსის" ქართველმა ცენტრმა 3 ქულის, 3 მოხსნისა და 1 შედეგიანი გადაცემის დაგროვება შეძლო.
აღსანიშნავია, რომ "Wells Fargo Center"-ში, გოგა ბითაძეს არც ისე სახარბიელო დახვედრა მოუწყვეს. მიზეზად კი ევრობასკეტზე, ფურკან კორკმაზთან მომხდარი ინციდენტი სახელდება. ბითაძის პარკეტზე გამოჩენას, "ფილადელფიას" გულშემატკივართა მხრიდან სტვენა მოჰყვა, თუმცა, ეს არ იყო ერთადერთი უსიამოვნება.
A smattering of boos for Goga Bitadze as he checks in. He was involved in the Korkmaz altercation this summer.
— Austin Krell (@NBAKrell) October 24, 2022
გავრცელებული ინფორმაციით, ერთ-ერთ მომენტში "ფილადელფიას" კალათბურთელსა და ბითაძეს შორის ერთგვარი Trash talk-ი შედგა, რა დროსაც ნიანგმა ბითაძეს უთხრა: "არ მაიძულო, რომ ჩემს მეგობარ ფურკანს დავუძახო".
Oh no! Georges Niang definitely just said to Goga Bitadze, “Don’t make me get my man Furk out here…” while at the free throw line! #Sixers
— Justin Persicketti (@j_persicketti) October 24, 2022
შეგახსენებთ, საქართველოსთან მატჩის შემდეგ, თურქეთის ნაკრების ლიდერმა ფურკან კორკმაზმა პირველი კომენტარი გააკეთა. კორკმაზმა რამდენიმე ეპიზოდთან დაკავშირებით, პროტესტის დაფიქსირება გადაწყვიტა. საუბარია დუდა სანაძესთან მომხდარ ინციდენტზე, პარკეტიდან გაძევებასა და გასახდელში მომხდარ ჩხუბზე, რომლის დროსაც, კოკრმაზის მტკიცებით, 5 ადამიანი დაუპირისპირდა.
- ფურკან კორკმაზი: თავს 5 ადამიანი დაგვესხა!
- დუდა სანაძის კომენტარი კორკმაზთან დაპირისპირების შემდეგ
- ფიბამ ინციდენტზე დისციპლინური სამართალწარმოება დაიწყო
კორკმაზმა თავდასხმაში მონაწილე პირებს შორის, გოგა ბითაძეც დაასახელა.