ლებრონ ჯეიმსის ბრწყინვალე მატჩი ჰიუსტონის წინააღმდეგ
ნაციონალური საკალათბურთო ასოციაციის (NBA) რეგულარული სეზონის შეხვედრაში, "ლოს ანჯელეს ლეიკერსისა" და "ჰიუსტონის" დაპირისპირება შედგა.
ლოს ანჯელესში, "Crypto.com Arena"-ზე გამართული უხვქულინი მატჩი, მასპინძელთა გამარჯვებით 140:132 დასრულდა. გასაკვირი არაა, რომ "ლეიკერსის" გამარჯვებაში ლომის წილი გუნდის ლიდერმა - ლებრონ ჯეიმსმა დაიდო.
პარკეტზე გატარებულ 35:51 წუთში, ლებრონმა 48 ქულის, 8 მოხსნისა და 9 შედეგიანი გადაცემის დაგროვება შეძლო. აღსანიშნავია, რომ "ჰიუსტონის" წინააღმდეგ დაგროვებული 48 ქულის შემდეგ, ლებრონ ჯეიმსმა კარიერის მორიგ ბრწყინვალე ნიშნულს მიაღწია. ლებრონს NBA-ის ყველა ფრენჩაიზის წინააღმდეგ მინიმუმ 1 მატჩი მაინც აქვს ჩატარებული, რომელშიც 40+ ქულა დააგროვა. ერთადერთ გამონაკლისს "ლოს ანჯელეს კლიპერსი" წარმოადგენს, რომლის წინააღმდეგაც "მეფეს" 40 ქულიანი ნიშნული ჯერ არ გადაულახავს.
LeBron James now has a 40-point game against every NBA franchise except for the Los Angeles Clippers. pic.twitter.com/CBMVfYI6c2
— ESPN Stats & Info (@ESPNStatsInfo) January 17, 2023
სხვა სტატიები
