"ლოს ანჯელეს ლეიკერსის" კალათბურთელმა ლებრონ ჯეიმსმა მორიგი რეკორდი დაამყარა.
NBA-ს ლეგენდარულმა კალათბურთელმა გუშინ "მემფისის" წინააღმდეგ 31 ქულა ჩააგდო, გააკეთა 11 ასისტი და 12-ჯერ მოახერხა ბურთის მოხსნა.
ჯეიმსს აღნიშნული მატჩის შემდეგ კარიერაში 8535 ასისტი დაუგროვდა, რითაც NBA-ს ყველა დროის 10 საუკეთესო ასისტენტში შევიდა.
რაც შეეხება რეკორდს, ლებრონი გახდა ერთადერთი კალათბურთელი, რომელიც ქულებისა და ასისტების მაჩვენებელით TOP 10-ში შედის.
