ლეიკერსი გასოლის 16 ნომრიან მაისურს ხმარებიდან ამოიღებს
"ლეიკერსის" მესვეურების გადაწყვეტილებით, ლეგენდარული ესპანელი კალათბურთელის - პაუ გასოლის 16-ნომრიანი მაისური ხმარებიდან იქნება ამოღებული. ღონისძიება 2023 წლის 7 მარტს გაიმართება, როდესაც ერთმანეთს "ლეიკერსი" და "მემფისი" შეხვდებიან. სწორედ "მემფისიდან" დაიწყო პაუ გასოლის ამერიკული კარიერა. ლოჯ-ანჯელესურმა კლუბმა ეს განცხადება რამდენიმე წუთის წინ, სოციალურ ქსელში გაავრცელა.
გასოლი გახდება "ლეიკერსის" მეთორმეტე კალათბურთელი, რომლის პატივსაცემად მისი ნომერი ხმარებიდან იქნება ამოღებული. 2021 წლის ოქტომბერში, ლეგენდარულმა ესპანელმა კალათბურთელმა გააკეთა განცხადება, სადაც ამბობდა, რომ იგი პროფესიონალურ საკალათბურთო კარიერას ასრულებდა. სწორედ იმ დღეს "ლეიკერსის" მფლობელმა - ჯინი ბასმა ტვიტერში დაწერა, რომ კლუბი ("ლეიკერსი") მის სათამაშო ნომერს (#16) ხმარებიდან ამოიღებდა.A Champion, legend, and forever part of the Lakers Family. 3/7/23 - We raise Pau Gasol's jersey into the rafters pic.twitter.com/F9snGrHO9o — Los Angeles Lakers (@Lakers) August 17, 2022
გასოლი "ლეიკერსის" ღირსებას შვიდი სეზონის განმავლობაში, 2008-2014 წლებში იცავდა. მან ლოს-ანჯელესურ კლუბთან ერთად 3 სუპერფინალი ითამაშა, საიდანაც საჩემპიონო ბეჭდის მოპოვება 2-ჯერ შეძლო. 429 მატჩში, ესპანელის საშუალო მონაგარი: 17.7 ქულა, 9.9 მოხსნა და 3.5 პასი იყო.It was never a matter of IF we will retire #16 but WHEN. Congratulations on your retirement @paugasol 💜💛 #StayTuned #LakersLove https://t.co/CMJ5BJBl1O — Jeanie Buss (@JeanieBuss) October 5, 2021
სხვა სტატიები
