NBA-ის მესვეურები NBA2K-ში კალათბურთელებს შორის შეჯიბრს აანონსებენ

ნაციონალური საკალათბურთო ასოციაცია, მსგავსად სხვა დანარჩენი ჩემპიონატებისა და ტურნირების, კორონავირუსის პანდემიის გამო განუსაზღვრელი ვადითაა შეჩერებული.

ზემოთხსენებული მიზეზის გამო NBA-ის მესვეურები მომავალი კვირიდან ნაციონალური საკალათბურთო ასოციაციის სიმულატორში, სახელად NBA2K გეგმავენ შეჯიბრის ჩატარებას, რომელიც ESPN-ზე გადაიცემა.

NBA-ის სიმულატორში შეჯიბრში მონაწილეობას გუნდების ვარსკვლავები მიიღებენ, სწორედ ეს იქნება ღონისძიების მთავარი სანახაობა.

NBA-ის მესვეურები NBA2K-ში კალათბურთელებს შორის შეჯიბრს აანონსებენ 1

ამ ეტაპზე ამერიკის შეერთებულ შტატებში კორონავირუსით დაიფინცირებულთა რაოდენობა სხვა დანარჩენ ქვეყნებთან შედარებით რიცხობრივად ყველაზე მაღალ ნიშნულზეა – ქვეყანაში ვირუსით 164 359 ადამიანი დაავადდა, საიდანაც 5 507 პაციენტი უკვე განიკურნა, 3 173 შემთხვევა კი ლეტალურად დასრულდა. სწორედ ამის გამო შესაძლებელია NBA-ის მესვეურების სურვილზე ზოგიერთმა ცნობილმა მოთამაშემ უარი განაცხადოს, ვინაიდან სოციალურ ქსელებში აშკარავდება, რომ სპორტსმენების უდიდესი ნაწილი თვითიზოლაციაში იმყოფება.

(92)

NBA-ის მესვეურები NBA2K-ში კალათბურთელებს შორის შეჯიბრს აანონსებენ

სტატიის ავტორი
-