27 ოქტომბერს გამთენიისას, თბილისის დროით 05:00 საათზე NBA-ს მე-3 ტურის მატჩები გაიმართა, სადაც გოგა ბითაძის ინდიანა "პეისერსი" "კლივლენდ კავალიერსს" ესტუმრა და 11 ქულიანი სხვაობით, 110-99 დამარცხდა.
ეს მატჩი მეტად მნიშვნელოვანი იყო ქართველთათვის, რადგან NBA-ში უკვე ოფიციალურად შედგა 20 წლის გოგა ბითაძის დებიუტი. ქართველმა კალათბურთელმა პარკეტზე 4:26 წუთი გაატარა, რა დროშიც მან 2 ქულასა და 1 მოხსნას მოუყარა თავი. მან მხოლოდ 1-ხელ ისროლა, რომელიც ზუსტი იყო.
