კობი ბრაიანტის გარდაცვალებას "პსჟ"-ს ფეხბურთელი, ნეიმარი გამოეხმაურა. ბრაზილიელმა ვარსკვლავმა ტრაგიკული შემთხვევის შესახებ "ლილთან" მატჩისას გაიგო.
"შესვენებაზე სოციალურ ქსელში მესიჯები წავიკითხე. ეს არამხოლოდ კალათბურთის, არამედ მთლიანი სპორტის ტრაგედიაა. მე კობის ვიცნობდი და გოლის აღნიშვნაც სწორედ მას ეკუთვნოდა. ვიმედოვნებ, ის მშვიდად განისვენებს."
მოგვიანებით ნეიმარმა სოციალურ ქსელშიც დაწერა: "სევდიანი დღე ფანებისთვის და განსაკუთრებით, კობის ოჯახის წევრებისა და მისი მეგობრებისთვის. საკუთარი ხელებით გახდი ლეგენდა. მადლობა შენ, ამ სპორტის ამაღლებისთვის."
