გაცვლების დიდი სერია - ჰარდენი ბრუკლინში, ოლადიპო ჰიუსტონში
ჯეიმს ჰარდენის კარიერა "ჰიუსტონში" დასრულებულია - ამერიკული წყაროების თანახმად, "ბაბუაწვერა" ამიერიდან "ბრუკლინის" რიგებში ითამაშებს. ნახსენებ გუნდებს შორის საკმაოდ საინტერესო გაცვლა განხორციელდა. თავდაპირველად, "ჰიუსტონმა" ჰარდენის სანაცვლოდ 4 პირველი რაუნდის პიკი (3 ბრუკლინისგან, ხოლო 1 მილუოკისგან), კარის ლევერტი და ჯარეტ ალენი მიიღო. თუმცა, რამდენიმე წუთში ჯარეტ ალენი გუნდმა "კლივლენდს" დანტე ეკზამში გაუცვალა. გარდა ამისა, "როკეთსში" გადავიდა როდიონ კურუციც. თუმცა, მოგვიანებით, "ჰიუსტონი" კიდევ ერთ გაცვლას დათანხმდა. კარის ლევერტი, რომელიც "ბრუკლინისგან" მიიღო, "ინდიანაში" გაუშვა, სანაცვლოდ კი ვიქტორ ოლადიპო დაიმატა. ასევე ცნობილია, რომ "კლივლენდი" ჯარეტ ალენითა და ტორინ პრინსომით გაძლიერდა. საბოლოო ჯამში, "ჰიუსტონმა" ვიქტორ ოლადიპოსა და დანტე ეკზამის გარდა 4 პირველი რაუნდის პიკი და "ბრუკლინის" პირველი რაუნდის პიკის 4 სვაპი მიიღო.
James Harden's aware that the Rockets are continuing to discuss trade scenarios with teams, although no deal is imminent, sources tell ESPN. Houston's asking price remains steep, as you'd expect it would for a player of Harden's caliber. https://t.co/I4RuHgzcvU— Adrian Wojnarowski (@wojespn) January 13, 2021
The Harden trade news shook up the NBA world today 😳 pic.twitter.com/A5U1OpIP5K— ESPN (@espn) January 13, 2021