პრესეზონის პირველ მატჩში სანდრო მამუკელაშვილმა 15 ქულა მოაგროვა
1 წლის წინ
კალათბურთი
1 წთ
NBA-ის პრესეზონის შეხვედრაში ,,მილუოკი ბაქსი'' ,,მემფის გრიზლისთან'' 5-ქულიანი სხვაობით, ანგარიშით 102:107 დამარცხდა.
,,ბაქსის'' შემადგენლობაში 21 წუთი ითამაშა ქართველმა ფორვარდმა, სანდრო მამუკელაშვილმა, რომელმაც 15 ქულა, 4 მოხსნა და 3 შედეგიანი გადაცემა მოაგროვა. სანდრომ 6-დან 5 ორქულიანი, 5-დან 1 სამქულიანი და 2-დან 2 საჯარიმო ჩააგდო. ,,მილუოკის'' 21 ქულით, 8 მოხსნით, 2 პასითა და 1 ჩაჭრით ჯორდან ნვორამ ულიდერა.
,,მემფისის'' რიგებში 18 ქულით, 5 მოხსნითა და 2 ჩაჭრით დევიდ როდი გამოირჩა. 17 ქულა, 5 მოხსნა, 3 ასისტი და 1 ჩაჭრა იყო კენეტ ლოფტონის ანგარიშზე.
,,მილუოკი'' პრესეზონის მომდევნო შეხვედრას ხუთშაბათს, 6 ოქტომბერს, ,,ატლანტა ჰოუქსის'' წინააღმდეგ გამართავს. მატჩი აბუ დაბიში გაიმართება.
მამუკელაშვილის ყველა ქულა დღევანდელ მატჩში: