რატომ ეწერა თოკო შენგელიას დღევანდელ მატჩში თევზაძე? (ფოტო)

12.60K
ნახვა

დღეს ესპანეთის საკალათბურთო ჩემპიონატის 30-ე ტურის მატჩში თორნიკე შენგელიასა და მეთ ჯენინგის “ბასკონია” შინ “მანრესას” დაუპირისპირდა და მეტოქე 82:71 დაამარცხა. მძიმე ტრავმის შემდეგ ფორმაში შედის საქართველოს ნაკრების ლიდერი, თოკოს ანგარიშზე მოედანზე გატარებულ 24:41 წუთში 14 ქულა, 6 მოხსნა და 2 ასისტი იყო, მისი მარგი ქმედების კოეფიციენტმა კი 23-ს უწია, ამ შედეგით იგი თავის გუნდში საუკეთესო გახდა, პარკეტზე მყოფთაგან კი მხოლოდ მოწინააღმდეგე გუნდის მცველს, გაბრიელ ლუნდბერგს ჩამორჩა.

აღსანიშნავია რომ 5 მაისი ესპანეთში დედის დღეა, სწორედ ამიტომ კალათბურთელებს მაისურებზე დედის გვარები ეწერათ, თოკოს 23 ნომრიან მაისურზე კი შენგელიას გვარი თევზაძით შეიცვალა.

დღესვე მნიშვნელოვანი გამარჯვება იზეიმა ბექა ბურჯანაძის “გიპუზკოამ”, რომელმაც უშუალო კონკურენტ “მურსიას” სტუმრად 74:61 სძლია, მატჩის MVP კი სწორედ ბექა გახდა, რომელმაც პარკეტზე გატარებულ 29:22 წუთში თავი 13 ქულას,6 მოხსნას და 2 ასისტს მოუყარა, მისი მარგი ქმედების კოეფიციენტმა კი 18-ს უწია რაც ორივე გუნდში საუკეთესო შედეგი იყო.

(12597)

რატომ ეწერა თოკო შენგელიას დღევანდელ მატჩში თევზაძე? (ფოტო)

სტატიის ავტორი
-