საქართველომ ევრობასკეტზე თურქეთი დაამარცხა
'ევრობასკეტ2022' გრძელდება და სულ უფრო საინტერესო ხდება ჯგუფებში არსებული სიტუაციებიდან გამომდინარე.
საქართველოს ეროვნული ნაკრები ზედიზედ წაგებული 2 შეხვედრის შემდეგ, თურქეთის ნაკრებს დაუპირისპირდა.
იქედან გამომდინარე, რომ ბელგიამ ესპანეთის ნაკრები დაამარცხა, ზემოთხსენებულ შეხვედრაში ჩვენი ნაკრების გამარჯვება კრიტიკულად მნიშვნელოვანი იყო.
შეხვედრის მეორე მეოთხედში საქართველოს ნაკრები 10-ქულიანი სხვაობით მარცხდებოდა (29:19), თუმცა მიუხედავად ჩამორჩენისა, ქართველი კალათბურთელები მეტოქეს 13-ქულით გაექცნენ, რამაც შეხვედრაში გარდამტეხი როლი შეასრულა.
საქართველოს საკალათბურთო ნაკრებმა, რომელიც გოგა ბითაძისა და თორნიკე შენგელიას გარეშე იასპარეზა, ვარსკვლავური შემადგენლობის თურქეთის ნაკრებს დრამატულ ბრძოლაში, 2 დამატებითი ოვერტაიმის შემდეგ, ანგარიშით - 88:83 მოუგო.
ამრიგად, ჯგუფურ ეტაპზე 3 შეხვედრის შემდეგ, საქართველოს საკალათბურთო ნაკრებს 1 მოგება და 2 მარცხი აქვს.
შეგახსენებთ, რომ საქართველოს ნაკრები 6 სექტემბერს ბულგარეთის წინააღმდეგ გამართავს.