თბილისში მიმდინარე FIBA-ს 20-წლამდელთა ევროჩელენჯერზე საქართველოს კალათბურთელთა ნაკრები თურქეთს დაუპირისპირდა და 77:69 გაიმარჯვა.
ქართველმა კალათბურთელებმა პირველ ტურში საფრანგეთთან მარცხის შემდეგ, დღეს აქტივში პირველი მოგება ჩაიწერეს.
საქართველოს ახალგაზრდული გუნდის რიგებში საუკეთესო ლაშა მიქელაძე იყო. "დინამო თბილისის" ცენტრმა პარკეტზე გატარებულ 31 წუთში 22 ქულა, 6 მოხსნა და 1 შედეგიანი გადაცემა დააგროვა.
აღსანიშნავია, რომ საქართველოს ნაკრებმა პირველი მეოთხედი 23:10 მოიგო, მეორე მეოთხედში კი მეტოქეს 4-ქულიანი სხვაობით, 23:19 აჯობა და მეორე ტაიმისთვის სოლიდური უპირატესობა მოიპოვა. ქართველებმა დაპირისპირების დარჩენილი დრო დათმეს, (15:22, 16:18) თუმცა, საბოლოოდ, მაინც მოიგეს.
საქართველოს U20 ნაკრები შემდეგ მატჩს ხვალ, გერმანიასთან გამართავს.
