საქართველოს ეროვნული ნაკრები ესტონეთის საკალათბურთო ნაკრებთან დაძაბულ ბრძოლაში, ანგარიშით 77:84 დამარცხდა. ჩვენი ბიჭებიდან გამოსარჩევი იყო, გიორგი შერმადინის თამაში, რომელმაც გუნდს 37 წუთში, 22 ქულა, 15 მოხსნა, 1 ბლოკი და 1 ასისტი და გუნდის ლიდერობა საკუთარ თავზე აიღო. ასევე გამოსარჩევი იყო სანაძისა (21 ქულა) და მაკფადენის (20 ქულა) თამაში, თუმცა მათ საქართველოს ნაკრებს ვერ უშველეს.
საქართველოს ნაკრებმა მსოფლიო ჩემპიონატის შესარჩევ ეტაპზე L ქვეჯგუფში ასპარეზობა დაასრულა და მეოთხე ადგილი დაიკავა. სამწუხაროდ, ჩვენი ნაკრები მსოფლიო ჩემპიონატზე ვერ მოხვდა, თუმცა LIVE.GE წარმატებებს უსურვებს ჩვენს საკალათბურთო ნაკრებს და მომავალ ევრობასკეტისთვის მოსამზადებელ ეტაპზე უამრავ სიახლეს შემოგთავაზებთ.
