საქართველოს ნაკრების შანსი - ბელგიამ ბულგარეთს მოუგო
1 წლის წინ
კალათბურთი
1 წთ
ევროპის ჩემპიონატის ჯგუფური ეტაპის ბოლო ტურის შეხვედრაში ბელგიის ეროვნულმა ნაკრებმა ბულგარეთს 9-ქულიანი სხვაობით, ანგარიშით 89:80 მოუგო და პლეი-ოფში გავიდა.
ბელგიელებს 25 ქულით, 7 მოხსნით და 3 შედეგიანი გადაცემით რეტინ ობასოჰანმა ულიდერა. 20 ქულა, 4 მოხსნა, 3 პასი და 1 ჩაჭრა იყო ემანუელ ლეკომტის ანგარიშზე.
ბულგარელთა შემადგენლობაში ტრადიციულად საშა ვეზენკოვი გამოირჩა, რომელმაც 26 ქულას, 13 მოხსნას, 1 ასისტსა და 1 ჩაჭრას მოუყარა თავი.
ბელგიის ნაკრების გამარჯვება უმნიშვნელოვანესი იყო საქართველოსთვის - იმ შემთხვევაში თუ ზუროსის გუნდი მონტენეგროს დაამარცხებს ბერლინის საგზურს გაიფორმებს. ჩვენი მატჩი 21:00 საათზე დაიწყება.
A ჯგუფში პირველი პოზიცია ესპანეთის ნაკრებმა დაიკავა, მეორეზე კი თურქეთი გავიდა.