სენსაცია დაფიქსირდა მსოფლიოს 2019 წლის შესარჩევი ეტაპის მეორე რაუნდის მატჩში სადაც ერთმანეთს K ჯგუფის ბინადრები ბულგარეთი და საფრანგეთი დაუპირისპირდნენ.
ბოტევგრადში გამართული მატჩის უდავო ფავორიტებად ფრანგები მიიჩნეოდნენ, თუმცა ბულგარელებმა მრისხანე მეტოქეს არაფერი დაუთმეს და საბოლოოდ 74-68 გაიმარჯვეს.
მასპინძლებს დი ბოსტმა ულიდერა რომლის ანგარიშზეც 17 ქულა და 6 მოხსნა დაგროვდა, დიმიტარ დიმიტროვმა ფრანგებს 16 ქულა ჩაუგდო. სტუმრებიდან ყველაზე შედეგიანი ნიკოლას ბატუმი იყო, მისმა სტატისტიკამ 17 ქულა 5 მოხსნა და 5 პასი შეადგინა.